Himbing

Ako ay aalis na ng bahay
pero parang may pumipigil
sa paghakbang patungo sa pinto
napatingin sa pagtulog mong kay himbing

Nilapitan ka
dahang dahang tinitigan pa
mga mata mo na sadyang kay ganda
kahit sa pag tulog , may ngiting dala

Tinabihan kita
oras ay hindi na alintana
kahit pa mapagalitan sa opisina
ayaw kong sayangin ang bawat kabanata

Niyakap kita
Hindi ko kaya atang umalis
ng hindi ka man lang mayakap ng saglit
mahalikan at mahaplos, tuwang abot langit

Tulog ka lang aking anak
hayaan mo na ang tatay nakatabi sayo
babantayan kita hanggang sa pag gising
kasabay ng umagang sobra ang blessing.